Inicio Horarios Contactar

Presentación
Onde estamos
Historia
Programación 2017-2018
Horarios
Organización
Publicacións
Ligazóns
Noticias
Curso 2017-2018
Curso 2016-2017
Curso 2015-2016
Curso 2014-2015
Curso 2013-2014
Curso 2012-2013
Curso 2011-2012
Curso 2010-2011
Curso 2009-2010
Curso 2008-2009
Curso 2007-2008
Curso 2006-2007
Curso 2005-2006
Curso 2004-2005
Curso 2003-2004

AxendaAmosar axenda completa

En castellano

10/07/2018

O EQUIPO DE CARITAS PARROQUIAL INFORMA

 

29/06/2018

VAISE DEUS DE VACACIÓNS?

As vacacións son un tempo para descansar, desconectar dos problemas, e relaxarnos pero podemos ter a tentación de mandar tamén a Deus de vacacións.
As vacacións son importantes e necesarias: son ocasión para gozar de Deus máis intensamente, para estar con El e ademais estar en familia. Non debería haber présas. Podemos estar xuntos; ler o Evanxeo; rezar con tranquilidade; dar grazas por este tempo e por todo o que Deus nos da.
É o momento no que, no medio da natureza, descubrimos, unha vez máis, que somos criaturas, que Deus quixo darnos esta terra para que medremos en santidade.
O mesmo Xesús, cando os seus discípulos chegaban da súa misión, posiblemente cansos, dicíalles: “Vide tamén vós aparte, a un lugar solitario, para descansar un pouco” ( Mc 6, 31)
O verán non é un tempo para non facer nada, senón un momento no que tamén participamos do descanso de Deus que, ao remtar a creación, viu todo o que fixera, e dirixiu á obra das súas mans unha mirada chea de gozosa compracencia.
Seguramente planificamos as nosas vacacións con antelación e con todo detalle pero non pensamos se onde imos poderemos ir ou non a Misa. Nese caso quizais teriamos que pensar que, se non podemos ir a Misa o domingo, se cadra non debemos ir a ese sitio de vacacións.

PARA POÑER EN PRÁCTICA NO VERÁN

• Cando te espertes pola mañá respira fondo, sorrí, e dá un aplauso a Deus. Meréceo.
• Ri un pouco de todo o que non funciona ao teu redor. Non merece a pena que te enfades, e ademais cos enfados non se arranxa nada. Cambia o entrecello polo sorriso.
• Cando te atopes con alguén, ten sempre na mochila unha historia de salvación e de benaventuranza para contar.
• Crea ao redor de ti un espazo ecolóxico onde se respecten especies tan raras como a reconciliación, a tolerancia, o respecto, a sensibilidade, o agarimo.
• Abre as túas mans para compartir a vida. Sempre queda algo de fragrancia na man do que ofrece rosas.
• Apúntate cada día ao Evanxeo. Procurar dedicar polo menos un minuto para ler unha frase do Evanxeo.
• Entra cada día na presenza de María e nela contempla un principio de gozo e plenitude, de beleza e esperanza.
• Se a expresión viva da amabilidade de Deus. Regala sempre un sorriso a quen atopes no teu camiño.
• Non comeces a xornada sen tomar conciencia de que Deus está contigo. E cando chegue a noite, abandónate nos seus brazos.

 

11/06/2018

ENCONTRO PREBAUTISMAL

A fin de semana dos días 9 e 10 de xuño celebrouse o Encontro de Preparación Prebautismal, tanto das familias da parroquia das Caldas como das Parroquias do Sagrado Corazón, Fátima, San Pío X e Santa Teresita.

Foron unhas reunións acolledoras, compartindo vivencias coas parellas e os monitores do encontro, en torno do Sacramento do Bautismo.

 

08/06/2018

CONFIRMACIÓNS

O venres 25 de maio acudiron a igrexa parroquial de Santiago de As Caldas para recibir o Sacramento da Confirmación, 30 mozos e mozas das parroquias de A Ponte, Sta. Cruz, Maside, Cudeiro, Bóveda e O Pino. Na Eucaristía presidida polo Sr. Bispo, D. Leonardo Lemos Montanet, os confirmados presentaron ante a comunidade, coma un xesto da responsabilidade que para eles supón recibir este sacramento, os compromisos que van levar a cabo como cristiáns comprometidos coa súa fe, coa graza de Deus e a axuda do Espírito Santo..

 

04/06/2018

O EQUIPO DE CARITAS PARROQUIAL INFORMA

 

29/05/2018

ENCONTRO PREMATRIMONIAL

Na Parroquia de Santiago das Caldas, tívose o encontro de noivos de Prematrimoniais correspondente ao mes de maio de 2018.

Ao Encontro asistieron 12 parellas de noivos.

Foi un encontro moi emotivo, e as parellas colaboraron moito, víuselles moi contentos.

 

03/05/2018

O EQUIPO DE CARITAS PARROQUIAL INFORMA

 

11/04/2018

O EQUIPO DE CARITAS PARROQUIAL INFORMA

 

21/03/2018

O EQUIPO DE CARITAS PARROQUIAL INFORMA

 

15/03/2018

CELEBRACIÓN PENITENCIAL NENOS PRIMEIRA COMUÑÓN

O martes día 13, ás 18:00 h, no Templo, os nenos e nenas de Primeira Comuñón tiveron a súa primeira Celebración Penitencial. Por iso, hoxe é un día de festa para todos nós e de maneira especial para todos vós. É un día de festa, porque Deus o noso Pai ámanos tanto que sempre está disposto a perdoar todas esas cousas que o ofenden e que nos apartan do seu amor e do amor aos demais. Deixémolo que sempre entre nos nosos corazóns e que El nos cambie para que sexamos compasivos, como El o é con todos nós. Ante un Deus así, o único que podemos dicirlle é que estamos dispostos a cambiar e darlle grazas polo seu amor. E como sinal de agradecemento polo perdón recibido déronlle grazas e cantaron: "Se a tristeza chega ao teu corazón". Non debemos de esquecer algo moi importante, participar na Eucaristía do Domingo. E que o Señor, nos ensine a vivir sempre como irmáns, cheos da súa vida, respectando aos demais e facéndoos vivir felices. E para demostrarlle a Deus o agradecemento polo perdón recibido, esforzarémonos en ser mellores. E pedímoslle que nos conceda: UN CORAZÓN COMPASIVO.

 

14/03/2018

O EQUIPO DE CARITAS PARROQUIAL INFORMA...

 

07/03/2018

EUCARISTÍA DE PETICIÓN DE PRIMEIRA COMUÑÓN

O domingo 4 de marzo, (III Domingo de Coresma), os nenos e nenas de Primeira Comuñón, acompañados dos seus pais, Catequistas, e a Comunidade, pediron á Comunidade Parroquial que os admitise á Celebración da Primeira Confesión e Eucaristía.
Participaron na Celebración os nenos e os pais: lendo, presentando os dons (pan e viño),...destacouse o sinal de PARKING, na que a Igrexa, a Comunidade dos Cristiáns é un PARKING, onde aparcamos a vida e onde tamén nos sentimos acompañados. E lémbranos que neste parking, enchemos combustible e reparamos calquera dano que poidamos ter.
Que os pais e titores, co seu testemuño, sexan para estes nenos\ as, exemplo de Vida Cristiá. Que é centro de toda a Igrexa e de todo Cristián.
Que a Palabra de Deus, a Eucaristía, a Oración, e o Sacramento do Perdón, poñan a punto o noso Corazón.
Sexamos verdadeiras testemuñas e a Eucaristía do Domingo, nos axude a retomar forzas e ánimo e así poñer en marcha o noso "Corazón Compasivo" e avanzar no Camiño da Fe.
E que está etapa de traballos nos grupos sinodais, nos axude a seguir camiñando todos xuntos, para anunciar o Evanxeo da Fraternidade e a Xustiza.

ENCONTRO INTERPARROQUIAL DE CARITAS

O sábado, 3 de marzo, celebrouse na Parroquia de Santiago das Caldas, o encontro de equipos de Cáritas Parroquiais previsto na programación, coa asistencia de voluntarios das seguintes parroquias: Sagrado Corazón, Vistahermosa, Fátima, Cristo Rey e Santiago das Caldas.
Comezamos orando cunha invocación ao Espírito Santo e a oración polos froitos do Sínodo Diocesano.
A continuación don Manuel Rodicio presentounos “A mensaxe da primeira carta de Pedro e o corazón do voluntario de Cáritas”
Compartimos un café á vez que intercambiamos opinións e accións da nosa labor.
Finalizamos cunha oración: canto, unha pasaxe da carta de Pedro e canto, dirixida por Don Bruno, o mesmo que a inicial.
Fomos aos nosos destinos co propósito de ser compasivos, fraternais, misericordiosos e de espírito humilde.
Lembrámoslles que na colecta do Xoves Santo recolleranse as achegas do xaxún solidario que estamos a realizar nesta Coresma e que está destinada á vivenda das persoas sen recursos: “COA TÚA AXUDA, NINGUÉN SEN FOGAR”.

 

20/02/2018

EXCURSIÓN A MANZANEDA

No marco das distintas actividades que ofrece a Parroquia aos rapaces da Catequese, o pasado sábado, 17 dos correntes, tocou visitar Manzaneda.

 

Á expedición asistiron os nenos da nosa Parroquia e algúns de Santa Cruz de Arrabaldo, en total 28. Foron acompañados polos seus catequistas e monitores. Sobran palabras… así nolo pasamos!

 

15/02/2018

ENCONTRO PREMATRIMONIAL

Os días 27 e 28 de xaneiro pasado, 16 parellas realizaron o encontro de noivos celebrado no centro de Santiago das Caldas.

Felicitalos a todos pola súa participación e desexarlles que lles sirva de axuda para o seu futuro proxecto de familia, tendo a Cristo como centro da mesma.

Cordiais saúdos para todos.

O Equipo de Prematrimoniais de Santiago das Caldas.


02/02/2018

O EQUIPO DE CARITAS PARROQUIAL INFORMA...

 

30/01/2018

ANIVERSARIO DO BAUTISMO

Como vén sendo tradición todos os anos na parroquia, ao redor da festividade do día da Festa das Candeas ou día da Presentación de Xesús no Templo, (concretamente este ano este pasado domingo día 28) convidouse aos pais dos nenos e nenas que foron bautizados o ano pasado, para celebrar o “aniversario do seu Bautismo”, na Eucaristía das 12,30.

Daba gusto ver e oír aos máis pequenos sentíndose coma na súa casa, aínda cando os seus pais estivesen nerviosos, por se molestaban, e achegando mocidade e vida coa súa participación presencial e activa na mesma.

Na Eucaristía uns pais, no nome de todos, presentaron aos seus fillos ao Señor, pedindo a súa protección e a súa axuda para levar a cabo a súa misión de acompañar e ser testemuñas na fe dos seus fillos.
O seu testemuño énchenos de satisfacción e é unha esperanza para a Igrexa.

Ao final da mesma, fíxoselles entrega dun recordatorio por esta data.

 

05/01/2018

EPIFANÍA E ANUNCIO DAS FESTAS DO ANO

Epifanía: Dentro do tempo de Nadal celebramos a Epifanía, o segundo Nadal, o día no que contemplamos como a luz que nace en Belén é luz que alcanza a todos os pobos da terra. O Neno que naceu é universal, para todos. Os Magos chegan a ver ao Neno, a adoralo. Eles son os representantes dos que non pudemos estar alí ese día. Eles convídannos a crer.

ANUNCIO DAS FESTAS DO ANO
A gloria do Señor manifestouse en Belén
e seguirá manifestándose entre nós,
ata o día do seu retorno glorioso.
Por iso anúnciovos con gozo, irmáns e irmás,
que así como nos alegramos nestas festas
do Nadal do noso Señor Xesucristo,
alegrarémonos tamén na gran celebración pascual
da Resurrección do noso Salvador.
Así, pois, sabede que este ano
a exercitación da Coresma,
que nos prepara para a Pascua,
comezará o día 14 de febreiro, Mércores de Cinza,
e do 30 de marzo ao 1 de abril celebraremos con fe o Triduo Pascual
da morte, sepultura e resurrección do Señor Xesús.
O día 1 de abril será a Pascua,
a festa máis grande do ano.
E ao cabo de cincuenta días,
como culminación da cincuentena pascual,
o domingo 20 de maio,
celebraremos a solemnidade de Pentecoste,
o don que Xesús resucitado fai á súa Igrexa:
o seu Espírito Santo.
Cada domingo reunirémonos para celebrar a Eucaristía conmemorando a resurrección do Señor,
e veneraremos tamén a memoria da Virxe nas súas festas,
e de tantos irmáns santos e santas
que nos acompañan no noso camiño.
E xa ao finalizar o ano, o día 2 de decembro,
iniciaremos un novo ano litúrxico
coa celebración do domingo primeiro
do Advento do noso Señor Xesucristo.
A el toda honra e toda gloria polos séculos dos séculos. Amén.

 

01/01/2018

O EQUIPO DE CARITAS PARROQUIAL INFORMA...

 

29/12/2017

PROPÓSITOS PARA O ANO NOVO

É costume ao finalizar o ano, revisar a nosa vida e presentarnos metas e propósitos para o Ano Novo. Aínda que nos propoñamos firmemente levalos a cabo e facer deles un verdadeiro compromiso, ás veces quedan só en boas intencións. Desde aquí queremos compartir algúns propósitos que nos axuden, sobre todo, a ser mellores cristiáns. Trátase de facer certas cousas e deixar de facer outras. Tamén de asumir certas actitudes e deixar de lado outras tantas.

1. Achegarnos máis a Deus. É importante aumentar o noso tempo de oración e participar de maneira máis consciente nos sacramentos.
2. Confiar máis en Deus. Se les a Biblia a diario, escoitarás de Deus as palabras que precisas. Non lle esixas nin demandes favores, pídelle sempre que se faga a súa vontade. Este ano confía máis en Deus, acepta o que che envía e actúa en consecuencia.
3. Deixar de murmurar e de ver a palla no ollo alleo. Case sempre que nos desgusta algo que vemos que outro fai, é porque no fondo desgústanos que nós facemos o mesmo. Fagámonos o propósito de que ao sentir a tentación de murmurar, pechar a boca, ver no noso interior e en xustiza decidir que actitude debemos nós mesmos cambiar, que debemos deixar de facer ou que debemos comezar a facer.
4. Ser portadores de axuda e xeradores de cambio. Ao longo deste ano, fagámonos o firme propósito de que cada vez que algo nos pareza malo, pensemos como axudar para corrixilo ou cambialo e actuemos en consecuencia. Se nada podemos facer, mellor non estorbemos.
5. Deixar de ofendernos por todo e de pelexar contra todos. Este ano fagámonos o propósito de evitar preitos e rifas. Cultivemos mellor a virtude da mansedume que nos axuda a deixar de lado a violencia. Ademais de vivir en paz cos demais, seremos benaventurados e herdaremos a terra que o Señor nos ten prometida.
6. Ser limpos de corazón. Este ano que comeza, comprometámonos a manter unha diversión sa, conversacións na liña do respecto e un humor branco que sempre divirte sen ofender nin contrariar a ninguén.
7. Dar máis tempo á nosa familia. Este ano fixemos ben as nosas prioridades: Deus, familia e traballo. Nesa orde. O resto, Deus daránolo por riba.
8. Gozar máis a vida que Deus nos da. Xa basta de queixarnos de todo. É hora de deixar de atoparlle a todo o seu lado malo. Acepta con gozo todo o que Deus che da, agradéceo e loa ao Señor pola súa bondade. Atopa a man de Deus en todo o que tes. Así viviremos en paz, cheos de gozo e sendo infinitamente agradecidos ao noso Deus.
9. Ser portadores da bendición de Deus. Fagámonos o propósito este ano de ser portadores das bendicións de Deus para os demais: co noso tempo, coa nosa axuda, coas nosas mans, cos nosos beizos e cos nosos bens materiais.
10. Ter un corazón compasivo. Miremos a nosa realidade con paixón e saiamos ao encontro dos irmáns con entrañas de misericordia para que todo o que se achegue a nós se sinta unha persoa amada por Deus. E que este estilo de vida se vexa reflectido na nosa participación entusiasta nos grupos sinodais para avivar a nosa fe, acrecentar a comuñón e ser portadores de esperanza no medio de tanto individualismo e violencia que degradan a fraternidade.

 

28/12/2017

FESTA DA SAGRADA FAMILIA

O vindeiro domingo 31 de decembro a Igrexa celebra a festa da Sagrada Familia, outra excelente ocasión para destacar a beleza e alegría da familia cristiá, magníficamente representada pola Familia de Nazaret.

En España, o lema da xornada este ano é "Familia fogar que acolle, acompaña e sa".

Na nosa diocese, o acto central celebrarase na nosa Parroquia nunha Misa que presidirá o noso Bispo ás 12:30 horas.

Estades todos convidados. Esperámosvos!!!!!!

 

23/12/2017

DECÁLOGO PARA REGALAR EN NADAL

Prepara o teu agasallo. Elíxeo con xeito. Envólveo con mimo. Entrégao con agarimo. O agasallo é algo de ti, non só algo teu.
Regala algo non comprado. Prefire algo feito por ti a algo comprado.
Regala palabras persoais. Palabras do teu corazón ou da Biblia ou dun autor ao que admiras.
Regala algo simbólico. Busca algo significativo que fale de ti e daquel a quen llo regalas, segundo a idea que tes del, ou o que esperas ou pensas ou como o ves.
Regala algo que non sirva máis nada que para iso: de agasallo.
Regala a túa presenza. Faite presente a alguén a quen queres ou a quen o precisa. Regala presenza, sen ser unha carga.
Regálate algo a ti mesmo. Quérete un pouco e regálate iso detrás do que andas hai tempo.
Regálate tempo. Que a présa e o alboroto non poidan contigo.
Déixate regalar. Recibe os agasallos como un don e se agradecido. Non fai falta nada a cambio. Unha palabra, un sorriso, un xesto bastan.
Non pretendas comprar a ninguén con agasallos. Dá sen esperar nada a cambio. Regala, non compres.

 

23/12/2017

NADAL

Nadal, tempo de historias e contos, contados ao longo dos séculos para manter vivas as tradicións e o recordo, así como para encher de colorido e imaxinación esta época especial para todo o mundo. Moitos son os que en Nadal transforman un pouco a súa vida: hai máis solidariedade, rogamos pola paz, xuntámonos en familia e sentimos a presenza de Deus dentro de cada un. En Nadal hai moitos símbolos e xestos tradicionais que podemos ter en conta e usar nas nosas casas.

Bendición da árbore de Nadal: Aínda que hai quen di que a árbore é un símbolo non cristián, no Bendicional atopamos unha oración para bendicir árbores de Nadal o que pode lembrarnos que Cristo, nacido por nós en Belén, é a verdadeira Árbore da vida.

Bendito sexas, Señor e Pai noso,
que nos concedes lembrar con fe
nestes días de Nadal
os misterios do nacemento de Xesucristo.
Concédenos, aos que adornamos esta árbore
e a embelecemos con luces,
vivir tamén á
luz dos exemplos da vida santa do teu Fillo
e ser enriquecidos coas virtudes
que resplandecen na súa santa infancia.
Gloria a El polos séculos dos séculos.
Amén

Bendición do Belén: O Belén non debería faltar en ningún fogar. É o signo máis visible das festas de Nadal. Pódese ir montando durante o Advento e a noite de Noiteboa aproveitar para deitar ao Neno no seu berce.

Deus, Pai noso: tanto amaches ao mundo
que nos entregaches ao teu único Fillo Xesús,
nacido da Virxe María,
para salvarnos e levarnos a ti.
Pedímosche que, coa túa bendición,
estas imaxes do nacemento
nos axuden a celebrar o Nadal con alegría
e a ver a Cristo
presente en todos
os que necesitan o noso amor.
Pedímoscho no nome de Xesús
que vive e reina polos séculos dos séculos.
Amén

Tamén os nenos poden facer unha oración ante o Belén:

Xesús, ti viñeches a vivir aquí, connosco;
ti quéresnos moito.
Ti estás aquí, moi preto de nós,
cos teus pais, con María e con Xosé.
Eu tamén te quero,
e quero amarte máis,
e quero aprender a ser coma ti.
Amén

Bendición da cea de Noiteboa: Ao ser unha noite especial, a bendición da mesa podería ter un ton distinto a como se fai diariamente.

Grazas, Pai,
por esta noite de paz,
noite de amor,
que ti nos deches
ao darnos ao teu fillo.
Pedímosche que nos bendigas,
que bendigas estes alimentos
que, dados pola túa bondade,
imos tomar
e bendigas as mans que os prepararon.
Por Cristo, o noso Señor.
Amén

 

15/12/2017

ANTÍFONAS MAIORES

Durante o Advento son importantes as chamadas « antífonas da 0», tamén chamadas antífonas maiores: breves oracións dirixidas a Xesucristo que condensan o espírito do Advento e o Nadal e cántanse en Vésperas, antes e despois do Magnificat desde o 17 ata o 23 de decembro.

Son un eco da profecía de Isaías e todas elas comezan pola exclamación admirativa “oh” expresando a sorpresa da Igrexa ante o misterio dun Deus feito home, polo que di con asombro “oh” e van seguidas polos títulos divinos do Verbo encarnado.

 

14/12/2017

O EQUIPO DE CARITAS PARROQUIAL INFORMA...

 

11/12/2017

O EQUIPO DE CARITAS PARROQUIAL INFORMA...

 

05/12/2017

ADVENTO

O termo Advento vén do latín “adventus”, é dicir, vinda. É un tempo no que se debe profundar no misterio da nosa salvación, que se inicia co nacemento de Cristo. Tempo propicio para a oración, de xeito particular a oración en familia, lembrando que precisamente Xesús quixo nacer nunha familia como a nosa. Tempo de medrar na caridade e no compartir. Tempo para contar bendicións e compartilas. Tempo forte do ano litúrxico que debemos preparar con esmero e delicadeza. Este tempo de Advento require unha resposta pola nosa banda. O Señor vén, cal é a nosa postura? Algo teremos que facer!

- Colocar nas nosas casas a coroa de Advento, elaborándoa en familia e convidando a todos os membros a que sexan parte dela rezando, acendendo unha vela cada un dos catro domingos e deixando as súas peticións persoais.
- Vivir a liturxia deste tempo con profundidade preparando ben a Palabra de Deus, as oracións, os momentos de reconciliación e o recordo á Virxe.
- Poñer un bonito nacemento aproveitando para explicar aos nenos, a modo de conto, o relato do nacemento de Xesús, a chegada dos Magos, a vida naqueles tempos.
- Darlle outro sentido ás nosas compras do Nadal. Comprar co desexo de compartir cos demais a ledicia de dar.

Se ti queres, podes vivir un Advento diferente. Só tes que prepararte para atopar ao Neno que vén. Non sabes onde está? Mira á o teu redor e verás a persoas que conviven contigo diariamente e que te atopas na rúa, aí está El. Entra na igrexa e verás como está presente nos sacramentos que se celebran, sobre todo na Eucaristía. Reza e descubrirás unha paz interior. É El que está en ti. Realmente este Nadal pode ser diferente…Grazas a ti.

 

27/11/2017

ENCONTRO INTERPARROQUIAL DE CARITAS

O sábado 25 de novembro, tal como estaba programado, tivo lugar o encontro das Cáritas parroquiais coa asistencia das seguintes parroquias: San Pío X, Sagrado Corazón, María Auxiliadora, Vistahermosa, Cristo Rey, Fátima, Santiago das Caldas. Acompañáronnos tamén dúas persoas de Cáritas Diocesana.

O obxectivo do encontro era ver que podemos aportar uns a outros en orde a mellorar a acollida, a atención e compartir experiencias no acompañamento, o seguimento…

Empezamos o encontro rezando a oración polos froitos do Sínodo. Xa no traballo por grupos, intercambiamos experiencias de como realizamos a atención primaria: repartición de alimentos, roupeiro; como sensibilizamos á comunidade, como difundimos o labor de Cáritas e tamén como coidamos a formación. A continuación, e en asamblea, puxemos en común o dialogado e compartimos un café e unhas pastas.

Finalizamos cunha oración, dirixida por Don Bruno que recollía e poñía nas mans do Señor o traballo realizado durante a tarde.

Grazas a todos pola vosa asistencia e participación.

 

20/11/2017

XORNADA MUNDIAL DOS POBRES

Con motivo da I Xornada Mundial dos Pobres, que por expreso desexo do papa Francisco celebrouse o domingo día 19 de novembro e que tivo como obxectivo que na nosa conciencia se produza un chamamento para estar á beira de tantas persoas que sofren as moi variadas formas de pobreza que se dan hoxe no noso mundo, na parroquia de Santiago das Caldas, o sábado día 18, organizouse un encontro cos inmigrantes atendidos por Caritas Parroquial.

Foi unha tarde festiva na que despois da acollida e a oración, os asistentes presentáronse indicando de que país procedían e canto tempo levan vivindo entre nós. A continuación compartíronse tres testemuños sobre a experiencia que cada un deles viviu á hora de decidir abandonar o seu país de orixe e viaxar miles de quilómetros en busca dunha vida mellor e de como foi a acollida en Caritas Parroquial. Tamén se visionou unha montaxe de power-point sobre os países dos participantes no encontro (bandeiras, traxes típicos, música, lugares) e finalmente, ante un café e unhas pastas, tívose un momento de charla-convivencia no que eles se atopan, falan dos seus países, comparten recordos… Un encontro que foi valorado como moi positivo por parte de todos os asistentes.

Con este mesmo motivo, as Eucaristías do domingo día 19 foron preparadas polo Equipo de Caritas Parroquial, resaltando a mensaxe do papa Francisco para esta Xornada coidando así a dimensión socio-caritativa e lembrando tantas circunstancias de pobreza que se dan actualmente no noso mundo.

 

10/11/2017

EUCARISTÍA DE PETICIÓN DE CONFIRMACIÓN

O pasado domingo, día 5 de novembro, os confirmandos da parroquia da Ponte achegáronse con ilusión ao Templo para pedir á comunidade ser admitidos para recibir o sacramento da Confirmación o próximo 25 de maio.

 

A comunidade acolle a petición, anímaos a seguir formándose e ora por eles.

 

03/11/2017

O EQUIPO DE CARITAS PARROQUIAL INFORMA...

 

11/10/2017

INICIO DOS GRUPOS SINODAIS

Os grupos sinodais da nosa parroquia comezaron a súa andaina.

O martes, día 10, reuníanse os catro primeiros grupos para rezar, reflexionar e propoñer pistas de futuro en torno ao primeiro tema do Instrumento de traballo 1: "A parroquia, casa e escola de comuñón aberta a todos".

Despois da oración e da presentación do tema por parte do asesor, nos grupos compartiuse o que cada un reflexionara previamente e fixéronse as propostas que unha vez votadas, puxéronse en común no pleno.

Grazas a todos polo esforzo e a participación e así sigamos facendo camiño sinodal.

 

06/10/2017

O EQUIPO DE CARITAS PARROQUIAL INFORMA...

 

02/10/2017

INICIO DE CURSO

O curso xa está en marcha e con el o traballo dos grupos sinodais. O mércores día 27 de setembro reuníronse na Parroquia de Santa Teresita os secretarios e moderadores dos grupos sinodais do Arciprestado Ourense-Norte para coñecer o Instrumento de traballo número 1 e a dinámica a seguir nos grupos.

O domingo, día 1 de outubro, na nosa Parroquia celebrouse a Eucaristía de inauguración do curso na que algúns dos secretarios e moderadores dos grupos sinodais da Parroquia fixeron a profesión de fe para renovar e consolidar o compromiso bautismal e comprometéronse a participar, animar e acoller con entusiasmo os traballos de reflexión que agora comezan.

Grazas a todos os que xa dixeron SI a esta chamada e animamos aos que aínda non se decidiron a participar porque esta é unha oportunidade que non debemos deixar pasar posto que camiñando xuntos é máis fácil vivir con alegría o Evanxeo, celebrar con gozo a fe e dar testemuño no medio do mundo do que cremos e celebramos.

 

19/09/2017

INICIO DE CURSO DE CARITAS PARROQUIAL

O equipo de Cáritas Parroquial, que durante o verán mantivo o seu labor asistencial de acollida e distribución de alimentos, comeza agora o curso neste ano sinodal reuníndose os primeiros luns de cada mes para formarse, planificar accións, organizarse, revisar tarefas… Empeza tamén o roupeiro parroquial tanto para recoller como para distribuir.

Seguimos ao servizo da Comunidade Parroquial e contamos con todos vós para levar a cabo a misión que se nos encomenda: animar e coordinar a labor socio-caritativa da comunidade de Santiago das Caldas.


Moitas grazas polo voso apoio e colaboración.

 

18/09/2017

CURSILLO PREBAUTISMAL

A fin de semana do 9 e 10 de setembro, celebrouse o Encontro de Preparación Prebautismal na nosa parroquia de Santiago das Caldas, tanto das familias da parroquia das Caldas como das parroquias da nosa Señora de Fátima e San Pío X de Mariñamansa.

 

As parellas, xunto cos monitores do encontro, compartiron vivencias, en torno ao Sacramento do Bautismo.

 

14/09/2017

HORARIO DE MISAS ATA O 30 DE SETEMBRO

 

01/09/2017

O EQUIPO DE CARITAS PARROQUIAL INFORMA...


 
www.santiagocaldas.org © 2017 Parroquia de Santiago
Avda. de las Caldas, 28. 32001 Ourense
info@santiagocaldas.org (+34) 988 211 954